|
الديوان بقلم الشاعر علي عبيد
(وقريبا سوف نقوم بادراج نبذة تعريفية بالشاعر علي عبيد
جوهرة الشرق
البطراهن ديمة في مجالس الجبنة قاعدات
بين
شجيرات النخيل القايمات دويريات
بين
بروش السعف ساوات بيوتات
ديل اهل
الطبيعة الوسط الجبال عايشات
يا عرب
البدو اللابسين سيديريات
خاتين
الدرق والسيف قاعدين للسلات
في ساحة
الفرح اجمل صورة للعادات
بلغة
الهدندوة اسمع حلاوة الرنات
لغة
الطنبور تترجم معاني لغات
قلب
العشوق احترق في لحظة البسمات
جوهرة
الجمال بالشرق فيك نسمات
يا حلات
الدبلة والموضة في الحلمات
هايلة
فيك الفوطة من اجمل اللبسات
يايات
نهودك رج في طريق سنكات
قبايلك
راحلة ياسمحة ماشة إكوات
وانت
سارحة بالجمال خليتي ناس في شتات
كل
الدنيا حولك مفرهدة وعامرة بالخيرات
...............................................
ركب الطيور
يالجفا
والبعاد الحرب وقف حـــــالنا عانينا الكتير حطمناا كل
امالنا
الفقة و
الشتات اسبابو كان ازابنا ملينا الصراعات آلآمه نار جوانا
واقفين
في الهجير فات الزمن خلانا في وطن الجدود ساد الجفاف يا
اخوانا
وقفت
عجلة التاريخ وكل الامم ناداتنا صامدين كالجبال بصبر ايوب
اليلة نلنا منالنا
قاسينا
الامآسي الباقي كان ايمانا مهدنا الطريق مساور الى
اجيالنا
حلحلنا
القيود جناك ياسودانا شمرنا السواعد صار النصر الى ابطالنا
حققنا
المعجزات في نيفاشا كان مرسانا صفينا النفوس هناك يوم تم لقانا
في ظل
السلام شيدنا كل بنانا لي عز الوطن بالوحدة
عرس هنانا
خلاص وقفنا الحرب
مافي خصام بيناتنا لمينا كل القبائل وريناهم مسار
انجازنا
في كل
الميادين الجونا ديل فرسان شاقين الدروب للعودة الى الاوطان
من
ملتقى النيلين رفعنا فوق اعلامنا
في
عاصمة الحضارات اتحققت احلامنا اشين للتطور والافرحة لي اوطانا
في
سودان العزة كلنا جينا لى دارنا نبني ونعمر كل يوم نبني في
شأنا
حزن
حزين
يايمة بقيت في الغربة بيكم ببكي
بعد ما
ودعت النخيل يا يمة تاني يون القاكي
بفكر في
ليالي الغربة بذّكر قعادي معاكي
تحي ضل
النيمة بشرب في الجبنة حزاكي
الليلة
جلستي في حوشك سايلة الآمك براكي
حولك
بناتك يساسقولك كايسات دواكي
بي زواج
زينة وست نور بقت فاطنة معاكي
لمن جا
السيل والبحر شال البيوت خلاكي
تركتي
الدنيا فاضت روحك راحت دمعاتي تبراكي
الماضي والحاضر
في
سواقينا من السنة للحول راقد قمحنا
والتمر
مخزن في الشونة لي شفعنا
في ضو
القمرة راقدين فوق السيوة كان مجلسنا
نلعب في
الطاب والشليل ونصارع في بعضنا
هناك
الكبار قاعدين للونسة ما جايبين خبرنا
في
الصباح الباكر تلقى الترابلة هناك في فوق ارضنا
ماسكين
الطراري والتسوان بالمنجل في جرفنا
بي نغمة
الطنبور تقوقي القمرية فوق حلتنا
جات
السمحة تقدل بالقراصة لي حوبتنا
بدينا
العزائم في كل بيت موقفين طربنا
حان وقت
الحصاد صفينا بالنوريق قمحنا
جونا
تجار الجملة بالشولات كايسين دربنا
مرق زفة
المولد والمداحين نازلين في بلدنا
يمدحوا
طول الليل يجمعوا من الجنيه للميه
الاهدلي
نازل عن ود قاسم لمولو الحولية
بخرات
الفقراء دخانه عجة في الضحوية
نادرين
في شيخ سعد والنسوان هم الضحية
ظهر
الزار ترى العجائب في رقصات هسترية
عم
الشلوخ بظلام الجهل والطهارة الفرعونية
جانا
عصر العلم خايضين في بحور المدنية
مات
الزرع جف الضرع والاض بقت صحراوية
هاجروا
الشباب وتركو الكبار للام القروية
باكي
النخيل ايام زمان الراحت وبقت منسية
ما بقي
في العقاب غير الحطام والشتول المروية
والنيل
حزين بلاطم في الرمال الشرقية
وقف
البابور جاب الجوابات للخندق الضحوية
ركب
خالد حمارو شاق الدرب عصرية
تترى
الدمعات سالت من عيون اسيا وعلوية
ما
عارفات احوال القرية هناك نار محمية
موقدة
في القلوب ناسا هناك حيارى في الجمعية
ضاع
سنين سنين الغربة هباء ا بلا كيفية
وقت
الجفاف كان الحصاد داءا مرضية
غضب
النيل هدر السيول بطرق عشوائية
صيحات
الصغار في الآفاق داوية للبشرية
هكذا
دارت بنا عجلت التاريخ لمرسانا من الماضي للازلية
السودان ما لينا نحنا
السودان
مالينا نحن لي شمالنا ولي جنوبنا
لي
شرقنا ولي غربنا ليه نحارب نحنا نحنا
حكمونا
وحدثونا ما الخلاف ما كان عشمنا
كم
زرعنا وكم حصدنا والخسارة بقت علينا
ضاع
شقانا وسال عرقنا بالفتن ضاع علينا
ماهو ده
السودان مساحتو قارة كاملة بقت تسعنا
جاري
فيه النيل بيحكي للامم شايل قدحنا
خيرو
وافر بي كرمن للشعوب زارعين قمحنا
جينا
للتاريخ نسطر بالحروف جامعين شملنا
ما
بنفارق تاني ارضو مالسلام كان عشمنا
بطل
الشرق
يوم هب
البطل جاه السيوف بصياح شمر وقف خاض اللهيب والنار
هدير
القطر خلى الجبال في جنان شوف المراعي ياأخوي على الوديان
شجر
الآرآك بطق طيبتو كالريحان والشبورة نازلة ما احلاك يا سودان
في بحر
الغرام اتلمينا والحبان مرى البواخر يالمينا فيك بنيان
قصورك
عالية وحولها الرمان والريلة حلفت تسكن بورتسودان
عجائب اخر الزمن
عجب
العجائب تراه في الحفلات
خليط
واختلاط خلا البنات بايرات
في
ميدان الفساد مال بيهم الساحات
مرقن
للشوارع سوون البدع ماشات
لبسن
الضيق واتمثلن بالخواجات
شققن
الفساتين لى وراء بلاخجل سايرات
وسط
السوق ياما تلقى القدلة والنظرات
شوهن
الوجوه بالدبلجة بالكريمات
بياض
اللون مزيف وكمان خداعات
باحمر
شفايف وطول الاظافر والخرافات
ستات
الشاي حولهن الرجال حلقات
وفي
ميادين العمل تلقى الونسة والضحكات
صفر
قطار التطور خلاهم في الهاوية والعقبات
سفن
الفتن جاتهم في معبر القارات
شايلة
الدمار نحو الاسر والويل للامهات
ساعة
الهلاك ترى كاسيات عاريات متبرجات
بسفينة
الانقاذ مرقن لمرساهم المتحجبات
لو عدنا
لشريعة الاسلام بنلقى القوة والثبات
شباب
الزمن جونا بالخمول والانحرافات
من ضل
لي ضل قاعدين في فن الحلاقات
تلقاهم
في الرقيص فاتو حدود االبنات
حارسين
الاقاني و مدمنينين المسلسلات
تركوا
المدارس وحاموا بالركشات
هاربين
من الواقع وتحمل المسؤليات
لاتربية
لا احترام للاباء والامهات
ده يلهو
اخر الزمن الفرقنا جماعات
*****************************
صيحات
أنا ابن
رجل وامراة اجتمعا في الظلام وثالثهما الشيطان
جئت
لهذه النيا صارخا لاحدثكم عن جرائم الانسان
ابي
وامي رموني هنا خوفا من العار بالسر والكتمان
صرت في
مزبلة الحياة طفلا اتوسد الاحزان
حملوني
بايدي المارينز للمايقوما مع جملة الاخوان
حرمت من
حنان الوالدين اصبحت في مزبلة الاوطان
رضعت
جرعاتي بآلآم تلازمني على مدى الازمان
تتفطر
القلوب دما نحو وانا في حمم وبركان
كيف
اعيش في مجتمع ليس لدي فيه مكان
اغلقت
الابواب في وجهي وجئت لاجتاز الامتحان
هي
مدرسة تعلمني عن حقيقتي ان كنت ابن فلان
بشريعة
السماء دلوني ايها العلماء افتوني بامان
ما
مصيري وللأي جهة انتمي وانسب للضمان
فلكل
داء دواء فما ردكم لي بالدليل والبرهان
*************************************
ذكريات
قوماكم
ياشباب نندلى نمشي نقيل في ضل نخيلنا
ارض
الشمال يا ارض المحنة ناس الكرم والجود اهلنا
ديمة
فرحانين بنمرحح فوق ارضنا بنزرع الخير وناكل من رطبنا
ديمة
فوق السيوة كانت مجالسنا هناك الدلوكة والطمبور دلائل طربنا
نلعب
الطاب والشليل ونصارع في بعضنا يا حليل زمن السواقي ياحليلك يابلدنا
في ربوع
شبتوت كلنا اتولدنا ذكراها في القلوب ابدا ما بتفارقنا
ويا
حليلك يا بلدنا
*************************************
الوحدة
من حلفا القديمة جات
نوبية ماشه
بتروي للتاريخ ببسمة
وبشاشة
في الزي الاصيل تلقاه
ست الزوق والرشاقة
جواها سر المعاني
القايمة على البساطة
ملامح الآثار تشير عن
الماضي و الاصالة
محسية وسط النخيل بتسوي
في ملاحة
حشت نميراتة وخاتة
العجوة ف قفيفاتة
في الحوش الكبير خدامة
الضيوف رصت قديحاتة
مارقة على الحقول رطنت
على نياتة
حكت لكل الناس عن
تاريخها وحضاراته
دنقلاوية في الريف
كالحورية بي ذاته
في بنات ملوك النيل
مميزة بي صفاته
رقصت في السهول مالت
على جنباته
غنت للنخيل ترجمت
للعالم معانى لغاته
سمرة اللون وكل المراة
تضوي شلخاته
تعكس للسعوب عن ماضيعا
ومساراته
من بستانة جات للساقية
بي لهجاته
بقت تجني في الثمار تحت
ضل تماراتة
غردت الطيور الراكة في
شجيراته
بي رنة الطنبور فرقن في
الحلة نجيماته
في لياليها تدور
السواقي بي حلقاته
لمع برق الشرق بي بسمة
هدندوية
قاعدة تسوي الجبنة في
جلسة عصراوية
بتحكي عن سواكن بماضيها
الازلية
ادروب هناك شال سيفو
للخدمة الوطنية
بالعراقي والسروال
والتوب والسديرة
تاجوج والمحلقي في
سنكات مع الحولية
جوهم الفرسان الدروب
ضحاوية
مولعين نار القرآن
الضاوي للبشرية
ماشين بكسوة الكعبة
مارين للسعودية
ديل ابطال علي دينار
الرفعوا الرايات للوطنية
مرقوا أهل الجنوب ماشيت
لنصرة المهدية
يوم دقوا النحاس لوحدة
الامة السودانية
بلم الشمل وقعنا في
نفاشة الاتفاقية
حققنا المعجزات لا كلاش
لا بندقية
جانا السلام بي همة
وارادة شعبية
لاحرب بيناتنا تاني ولا
تفرقة عنصرية
داوينا جراحنا خلاص
للقمة الهنية
ختينا العدل والمساواة
للدولة الحضارية
باشراقات غدا مشرق
اخلصنا نحنا النية
تدفق البترول لوضع
البنيات الاساسية
رجال كالمعادن جاءوا
بروح للوحدة الحقيقية
سطرولينا و للتاريخ
باياديهم الفتية
الله اكبر الله اكبر
والعزة للامة السودانية
*************************************
حصادنا المر
تموت الشعوب غرقى في
دماء الابرياء
مكتويوة بنيران الفتن
وهم ضحايا الاقوياء
في كل بقاع الارض انتشر
الظلم والابتلاء
عم الفساد و فاحة
رائحته كريهة بكل الاجواء
إخوتي في العروبة
والإسلام تفرقوا أشلاء
يحملون السلاح على
بعضهم لخدمة الاعداء
كدسوا في بنوك الدم
بحارا من دماء الازلاء
يفرحون بالحروب ويرددون
لعالمنا النداء
تركوا ديارهم و اوطانهم
مسرحا للدخلاء
تتفطر القلوب دما من
ويلات الاطفال والنساء
حصدوا ملايين الارواح
هباءا . وا حسرتا
هكذا فلسطين والقدس
ودموع من بكاء
هنالك لبنان تشكو لآذان
لكنها صماء
لم يبقى بافغانستان
والصومال غير اشلاء
مزق بعضهم البعض تعطشا
للدماء
كلما تطفى حرب اشعلت
نيران عارمة هوجاء
في البوسنة والهرسك
مذابح تتمزق لها الاحشاء
يحرق جوف كل مسلم ماض
بركب الاوفياء
نسينا تعاليم الاسلام
وصرنا نلهث في صحراء
فهيا عودا وتزودوا
بالتقوى في اخاء
|
